【勁厚面皮】林鄭多於4人睇阿Sam開騷 專頁稱:履行政府功能
林鄭月娥許冠傑2020許冠傑同舟共濟Online Concert抗疫騷
歌神許冠傑(Sam)今日舉行《2020許冠傑同舟共濟Online Concert》為 疫情 下的 香港 人打氣,演唱會免費在網上直播。特首林鄭月娥多次在記者會上往自己臉上貼金,宣稱政府防疫工作「迅速」,今日她終於發揮本領,趁阿Sam演唱會前貼出前年影的舊相自認「老友」。結果網民不停派嬲,演唱會製作總監蕭潮順、演唱會主持鄭丹瑞都要劃清界線,而阿Sam簡單以「笑罵由人」4字回應。
阿Sam網上演唱會順利結束,全球大會宣佈有255萬人次收睇,效果驚人。到晚上林鄭再次迅速抽水,其facebook專頁「林鄭月娥 Carrie Lam」發文,聲稱林鄭在復活節仍要與司局長開會,但仍然找到時間忙裏偷閒,跟所有與會者一齊睇阿Sam演唱會,又說:「多謝阿Sam在疫情中為 港人 注入正能量!」從相片可見,該會議至少7人出席,除了林鄭有份,亦見到政務司司長張建宗、食物及衞生局局長陳肇始等,林鄭解釋自己在開會:「屬履行政府功能。」因此沒有違反禁聚令。難怪有網民反問:「睇演唱會又係履行政府職務?」亦有人寸林鄭:「俾人割席仲好意思繼續黐光環。」