大陸女星楊冪早前被指髮線向上移，早前播出嘅《三生三世十里桃花》同《談判官》都有明顯嘅禿頭情況，不過最近楊冪同阮經天合作演出嘅電視劇《扶搖》，戴上假髮後即時變得後生唔少，唔少網民都讚嘆：「大冪冪失守的髮際線終於回來啦！」

楊冪向來有收視女王稱號，《扶搖》自上周播出以來收視勁升，截至6月24日嘅星期日，單日電視劇網絡播放量，《扶搖》有1.8億點擊率，贏無綫劇《宮心計2深宮計》6千萬點擊率足足3條街。而《扶》累積電視劇網絡播放量超過13億人次點擊，更成為Viu煲劇網站嘅人氣劇第一位。

官方微博最新發出一輯「扶搖」楊冪與「長孫無忌」小天嘅大膽床照，相中小天半裸將楊冪一擁入懷，結實嘅胸肌相當吸睛；鏡頭一轉小天已經將楊冪壓在床上，氣氛曖昧。

劇中除咗小天與楊冪嘅感情線外，中間還有「情敵」高偉光，早前高仲喺網絡票選「最帥古裝男神」時，只輸俾胡歌，排第二位，力壓陳曉及王凱。

精選娛聞，喺晒《娛果》 http://fb.com/appledailyent