【工作為先】張敬軒被阿媽追問「傳宗接代」 容祖兒自薦做代母
張敬軒倪晨曦
張敬軒與倪晨曦(Elva)今日到金鐘出席一個銀行產品發佈會,兩人首度合作為產品拍攝廣告,Elva大爆拍攝當日軒仔比自己更緊張,軒仔解釋因為不少鏡頭都需要頭貼頭,又不知Elva的未婚夫有否在場。
軒仔宣布將於11月22至24日假紅館跟中樂團合作開演唱會,由於跟藝術團體合作,故未能開得太多場,令他感到有點可惜。至於稍後為關智斌紅館演唱會擔任嘉賓,他表示只負責一小部份,問到會否擔任其他職務如幫手換衫?他笑說:「換衫佢自己嚟,佢有手有腳。」再問是否如幫容祖兒(Joey)一樣負責調聲?軒仔露出鬼馬笑容說:「我都似變咗係公司嘅調音部,負責演唱會啲調音。」至於怎樣幫助關智斌調音,他續笑說:「輕輕調,微調,唔使大調。」他還自爆經營副業上門調音,因為有朋友會請他到家中調校卡拉OK設備。
好友Joey跟Gavin So傳出有新戀情,問他可有恭喜Joey?他說:「冇親身求證,年中都傳唔少,我哋呢啲真正朋友,唔會去問,如果約食飯,多個人多雙筷咪知。」軒仔指跟Joey同樣到了適婚年齡,亦知道Joey都鍾意小朋友,Joey更主動表示可以幫他做代母,軒仔表示在港代母生育是不合法,所以未能接受Joey好意,不過他透露媽咪也追問傳宗接代問題,他以努力工作為先而帶過話題。
此外,Elva今個月開始要不停飛往紐約、倫敦及巴黎出席時裝周,返港換一換行李便又出發,問到豈不是冇時間籌備年底婚禮?她說:「係呀,所以改咗期去明年2月喺香港舉行,今次book咗場地,唔會再改。」
-----------------------------
【撐學生】
召集有心人 撐學生全年睇《蘋果》
立即按此 軒仔宣佈將於11月22至24日假紅館跟中樂團合作開演唱會。
好友Joey傳出有新戀情,軒仔:「冇親身求證,年中都傳唔少。」
Elva今個月開始要不停飛往紐約、倫敦及巴黎出席時裝周。