對於周永恆被判守感化令，昨日有不少圈中人作出回應，周永恆契姊盧巧音說：「佢今朝在電話留言，叫我唔使擔心，睇新聞佢個樣都冇乜嘢呀，我唔知個判決O唔OK，最緊要等佢知發生乜事，以後乖乖地悔改，佢咁大個人要面對㗎啦，佢依然係我細佬，知佢判咗我都輕鬆晒，一陣做完嘢我會打畀佢。」許志安表示，「有邊個細個冇做錯事呀，總之經一事長一智啦，第時要回饋社會就ok啦。」

容祖兒力撐
容祖兒則表示自己會支持對方，她說：「雖然我同佢唔熟，我亦都唔知個判決合唔合理，總之最重要係睇佢自己點樣去重新開始。」而方力申則指今次事件應該可以作為一個警惕，他表示：「阿Roy等咗咁耐都應該有晒心理準備，雖然佢犯咗錯，希望大家都可以畀個機會佢。」
本報記者