前工商及科技局局長王永平早排喺一個電台節目話港府政策「急、錯、亂」。撇開政治議題，純粹講政府理財，過去半年，由醫療融資收錢，到西九、四川及110億派錢方案，已經係港府政策「急、錯、亂」嘅最好例子。

主持：高明輝　梁健輝

胡志偉：我哋提議政府應該利用外滙基金收益，作為醫療融資或者醫療改革一個重要嘅資金來源。其實我哋概念都係靠已經有嘅儲備嘅利息去支付醫療資源嘅滾存。甚至如果滾存數目足夠應付戶口需要，就根本唔再需要打市民荷包。

王先生：現在外滙基金怎樣使，立法會完全冇say，一如之前政府買港交所股票，立法會也沒有權跟進。與其我們都用不到，為甚麼不要求政府用來應付醫療融資，至少不要再從我們荷包搶錢。