可以搵到日本女性做另一半，相信係唔少港男嘅夢想，依家大家可能夢想成真嘞，因為日本一班乒乓球靚女都似乎對中國嘅男性情有獨鍾，其中「瓷娃娃」福原愛已經嫁咗畀中華台北嘅江宏傑，而福原嘅兩名師妹平野美宇及石川佳純亦對中國球手超有好感，其中平野美宇喺接受訪問時就曾經過過：「張繼科太靚仔嘞，我鍾意佢嘅霸氣！」至於石川佳純每次比賽都鍾意搵馬龍合照，而當佢得知喺要求喺五月世乒賽同馬龍合作混雙被中國乒乓球隊拒絕之後，都唔知幾咁唔開心。
另外，日前福原愛同日本摔跤女王吉田沙保里，以及已退役嘅花滑女神淺田真央一齊約埋食中國料理，當佢哋嘅合照流出之後，網友就紛紛叫福原介紹中國男仔畀吉田同埋淺田認識㖭！