退休法官胡國興率先搶閘宣佈參選特首，今日「胡國興行政長官選舉辦公室」舉行約記者會交代參選詳情。宣誓風波正值司法覆核期間，胡被問到若他是現任特首，會如何處理宣誓風波。胡表示現階段不便評論，強調一件案件在訴訟中，宣誓是否有效、「告唔告得」均由法官決定，自己「唔會做蔑視法庭嘅嘢」。他又狠批梁特無理由做原告人，因令人覺得行政干預立法，因現時是政府行政首長去告立法會首長，「唔係好妥囉，唔好睇囉」。

他又指，法律界常說「Justice must be seen to be done」，即正義必須被看到正在執行，但現時卻相反，「唔理你係咪行政干預立法，但係最少唔好畀人睇到行政干預立法吖」。