居於美孚新邨多年的呂小姐向記者大吐苦水，指其噩夢自四年前開始，「我屋企睡房同隔籬單位個睡房本來係緊貼住，但佢突然將個睡房改咗做廚房，每當煮嘢嘅時候，我個睡房同幅牆都熱烘烘。」
呂小姐續指，隔鄰業主更於該「廚房」設抽氣扇及將抽油煙喉管接出窗外，由於該出風位與呂小姐屋內的睡房非常接近，她指油煙正正向着其單位「衝過來」。
睡房被迫空置
呂小姐歎道，該睡房原為其行動不便的年邁祖母居住，但近年因受油煙「襲擊」，其祖母亦感難以忍受、恐怕影響身體，遂搬往親戚家中寄居。「𠵱家呢間房已經丟空，我哋連窗都唔敢開，重點喺裏面瞓？」呂小姐指她最終也忍無可忍而向管理處投訴，惟一直未見改善。
廁所到處油迹
感到無助的呂小姐表示，「大家係隔籬鄰舍，本來都唔想投訴，忍得就忍，但係啲油煙日日係咁對住我間屋吹過嚟，煮飯時啲爐具又「胡胡聲」咁響，我哋真係覺得好滋擾！」呂小姐續指，其睡房的露台原本作曬衫之用，但因油煙關係，四年前開始已不敢再在露台晾曬衣物。而被油煙「正面吹着」的洗手間，呂小姐就更覺嚴重，「一入嚟就聞到一陣油煙味，處處都有油迹！」
呂小姐更直斥條例形同虛設，「擅自將單位改建都話唔違法，咁條法例係監管啲乜呢？法例上佢哋係無牴觸，但實際上真係影響到我屋企，咁又有邊條例可以保障我哋呢？」