韓劇《來自星星的你》大結局後好多星迷都勁失落，好想《星星》拍續集，今朝SBS電視台就播出《星星》導演張太侑嘅訪問，佢話自己都有意添食，再拍都敏俊同千頌伊嘅故事。

張太侑話：「雖然需要同編劇商議，但我認為開拍續集嘅可能性幾大。因為朝鮮時代嘅都敏俊，日治時代嘅都敏俊，70年代初嘅都敏俊都有故仔講，佢同千頌伊之間嘅戀情由來已久，有機會嘅話我一定會接受挑戰拍《星星2》。」佢仲讚演都敏俊嘅金秀賢演技好㖭。