當年今日

  單仲偕視仔女如足球員 - 李八方

蘋果日報 2002/06/10 00:00


嚟緊嘅星期日就係父親節,立法會議員單仲偕昨日出席防止虐待兒童會主辦嘅「助兒成長──發揮爸爸的力量」座談會時,大談做爸爸嘅心得。唔講唔知,原來單仲偕來自一個破碎家庭,老父唔係好理屋企;輪到自己做爸爸,單仲偕就加倍關心小朋友嘅需要。
食住世界盃條水,單仲偕用踢足球比喻親子關係。佢話爸爸喺屋企就好似足球隊隊長,要有權威鎮壓隊員、又要以身作則,隊員先會入波;而仔女就係球隊隊員,媽媽就負責守龍門把關。
不過,明光社總幹事蔡志森另有一番見解,佢話自己喺兩歲半兒子心目中嘅地位低過太太唔緊要,但就一定要高過家中印傭,所以個仔最鍾意嘅事,佢一定親身帶佢去做,等父子之間有更多獨處時間。蔡志森重話,佢另一個責任就係作為兒子嘅傳媒大使,教佢認識傳媒。


傳真︰2623-9278
電郵︰[email protected]