張兆輝昨日從上海趕到澳門出席「2019第十一屆澳門國際電影節」，輝哥憑電影《催眠‧裁決》擊敗吳孟達、杜江、李雪健及歐豪等對手，奪得最佳男配角。他上台領獎時說到得獎感受：「首先我要多謝我嘅師兄杜琪峯，佢帶咗我入電影圈，多謝《催眠‧裁決》嘅投資方、監制同埋三位導演黎兆鈞、施柏林、劉永泰對我做呢個角色嘅信任。我嘅人生一直都唔係風平浪靜，經歷過好多高低，好多謝一直喺我身邊支持我嘅屋企人，我嘅朋友、我嘅兄弟，你哋令我灰色嘅人生加添色彩，多謝曾經同我合作過嘅每一位電影人，多謝《澳門國際電影節》給我一個肯定，我真係好鍾意電影，好享受每一場戲，我會繼續努力，多謝大家。」

而憑《長安道》奪得女配角的陳數，亦曾經同輝哥合作古裝劇《擇天記》，昨晚雙雙奪得男、女配角獎。昨晚結束頒獎禮後，輝哥即與好友及投資方慶祝兼做冬，輝哥說：「噚晚已經有好多投資方同我傾啲新合作，希望將來我嘅演藝事業，可以再為大家帶來驚喜，再一次多謝大家鍾意鄧兆強一角，今晚我會再同屋企人慶祝。」

-----------------------------
《2019高級珠寶鑑賞誌》
點擊即睇過百款鑽飾名錶
-----------------------------
【匿名港警爆大鑊】
韓國KBS時事節目《時事直擊：香港 被自殺》
一按即睇