港版國安法殺到，免於恐懼的自由所餘無幾！繼多名民主派人士包括黎智英和黃之鋒等，連日來多次遭不明人士跟蹤後，今晨佔中發起人之一的港大法律系副教授戴耀廷亦發現被可疑車輛貼身跟蹤。

戴耀廷接受《蘋果》訪問時，指他今日離開西貢寓所後，一輛銀色私家車已緊貼在後，車上約有兩名神秘人。其後該輛私家車一直跟到大圍，被戴耀廷發現，戴隨即拍下私家車照片並上傳至到社交網站，「我由西貢去大圍條路唔係大部份車會行嘅路，同埋冇理由由西貢到大圍都係一樣路㗎嘛，跟左成半個鐘以上，所以都幾肯定係跟蹤」。最後，這輛神秘私家車似乎發現自己行蹤敗露，在戴拍攝完畢後，便撤離現場。

戴指，自己多年來被人跟蹤，一般多為親中媒體，「呢個就成日發生㗎啦，之前我去探下啲區議員都俾啲報紙影到」，但坦言現在實在難以估計跟蹤人士的身份。

對於多名民主派人士連日來遭到跟蹤，戴耀廷認為肯定是有一方勢力在監視民主派人士的活動，直言國安法實施後跟蹤行動有可能更加明目張膽，「國安法一通過，香港已經唔係同一個香港㗎啦，已經係一個一制……可能會攞正牌做，但我哋都要正常生活㗎嘛，唯有自己小心啲囉，唔好去啲少人，陰暗嘅地方。」

《蘋果》翻查資料，發現跟蹤戴耀廷的私家車為租車公司所擁有。

-----------------------------
打國際線 《蘋果》英文版免費試睇 按此了解更多
英文版已登錄新版《蘋果》App按此下載/更新
-----------------------------
你敢爆，我敢獎！ 立即WhatsApp《蘋果》24小時爆相爆片熱線 或致電：63836568