金宇彬男神宣佈回復單身！上年9月被曝出同女模特兒劉智安拍拖嘅金宇彬，喺今日宣布同對方已經分手，結束長達兩年嘅戀人關係。

金宇彬透過經理人公司話自己同劉智安其實喺3、4個月前已經分手，因為近日佢成日都要走嚟走去出活動，而劉智安又要忙好多模特兒工作，令兩個人相處時間變得愈來愈少，關係疏遠，繼而分手。不過經理人就強調兩人仍然保持好友關係，係和平分手囉。

劉智安都承認咗ｏ架喇！其實早幾日劉智安喺twitter上面公開一張郊遊相嘅時侯，有個金宇彬fans已經留言問佢哋仲係唔係一齊緊，點知去到今日佢哋就宣布分手喇。而劉智安最近亦換上一個全新金髮，唔知佢係唔係為咗分手後重新開始呢。