「你仲有幾天就可出院啦，都要呼天搶地，那我冇咗老公，係咪要用湯碗來載眼淚呀？」留院期間，陳碧君見隔離床的病友因想盡快出院，不欲等待醫療報告結果而情緒失控，幾乎要自殺，她以自身經歷罵醒對方，成功勸服病友，促成她加入沙士互助會勉勵沙士康復者。

記得當年在A6病房住有約10個病人，其中一人是來自澳門，來港旅遊時受感染而被迫留醫，「佢喺香港無親無故，有一日佢話想食缽仔糕，我偷偷叫女兒買，氹得佢好開心。」

為了協助其他沙士病人，陳女士出院後加入沙士互助會，該會現時約有600名康復者及其家屬，現時更擔任內務副會長一職，15年來不少康復者受盡歧視，「一入升降機，啲人立即彈開，用手掩鼻、搞到佢哋要戴口罩出街。」不少病友也出現骨枯、心理陰影等問題，有人因當日被捉去醫院隔離，至今聽到升降機聲音都驚，她希望透過舉辦不同活動，例如大笑瑜伽、旅行、工作坊等，讓康復者重拾自信，重投社會。

你敢爆，我敢獎！ 即Call《蘋果》24小時爆相爆片熱線 ：63836568