韓國男團BEAST嘅李起光今日27歲生日，佢一班內地粉絲為咗慶祝偶像生日，就炮製咗祝賀廣告，並租下首爾地鐵建大站內嘅LED燈箱廣告牌進行生日應援，為起光準備咗特別嘅賀禮。廣告每次會播放十秒，每日都會滾動播放，足足為期成1個月，認真犀利。

其他BEAST成員都有喺Instagram發帖祝賀呢位壽星仔，其中孫東雲上載了同起光嘅昔日合照，又留言：「親愛嘅起光哥生日快樂」，梁耀燮同龍俊亨亦都發帖表達咗祝賀之情。

另外，李起光近日都有參演MBC新劇《怪物》，喺劇中李起光飾演姜至奐嘅童年，仲要扮演盲人，起光事前做足準備細心學習點樣演繹，佢嘅演出都受到大家嘅讚賞。