大台劇《金宵大廈》，雖然不是高成本製作，但勝在劇本同演員用心，一樣贏口碑，亦令六年前重新做起的陳山聰，等到擔正。

自從13年同賭王千金，三房長女何超雲分手，陳山聰曾由山頂跌落谷底，事業﹑形象都從負數開始，重新建立。他說那日子靠跑步磨練意志，衝破一切心理關口。

重返大台六年，他終於等到《金宵大廈》發圍，近日繼續做男一，同姚子羚拍新劇《大步走》，劇中角色與現實一樣，熱衷跑步。而他自己的一步，由六年前與賭王千金分手，一鋪清袋開始。當時他被指為雙失男人，孭住負評，莫說跑，要爬番起身都不容易。他說:「當我可以放低一切，唔在意傳媒點話我，其他人點睇我，就可以行到今日。」

11年有傳他為賭王女何超雲，棄糟糠Ponny。雖然成為何超雲男友後，著好住好，但這段感情，他放棄在大台建立了十年的事業，甚至與契姐伍詠薇反面，跟一些圈中朋友斷交，形象亦受影響。

此情維持兩年便斬攬，陳山聰隨之面對外界一沉百踩的局面。要由負變正，陳山聰知道要腳踏實地做番好自己。有段日子，為避靜搬去澳門與哥哥陳山海住，未知前程，他以練跑為目標，同時思考將來可以走的路。

唔放棄自己，就有人願意俾機會。大台高層曾勵珍同監製李添勝找他回巢拍劇，由三線默默爬番起，上年他憑《同盟》贏了大台最佳男配方，終由嘘聲變掌聲。

「當日行番出黎，冇諗結果會係點，只想做番好，唔要令屋企人再擔心。」陳山聰這樣說過。

起跌過，他對名氣睇得淡，《金宵大廈》收得，他沒抱太大期望往後順風順水。「呢套得，唔等於下次一樣，下次唔得嘅話，大不了咪跌番落去，做番其他角色。」

回歸平淡的六年，他尋回自己，仲搵到真愛。今年11月，同未婚妻Apple結婚，他經常說，同對方只求簡簡單單，生活開心就足夠。

-----------------------------

【你爆料，我課金！】

爆相：$500　 爆片：$1,000

分清黑白 壹齊揭穿社會黑幕！

詳情： https://s.nextmag.hk/e/zg7VUk287Z

-----------------------------

【壹週刊Telegram，與港人同行，每日為你推送抗爭現場實況】

一手報料： https://t.me/nextmaghk

最新消息： https://t.me/NextPlushk

-----------------------------

【升級壹會員登記站 為你解疑難！】

沙田、旺角、荃灣、觀塘、銅鑼灣5區為你服務

詳情： https://s.nextmag.hk/e/Tssefy687Z