韓國親子節目《Oh！MyBaby》入面一對孖女羅希同羅律，今朝跟住星媽Shoo同爸爸、哥哥一齊由仁川機場出發，飛去菲律賓旅行享受天倫之樂。唔知係咪搭早機唔夠瞓嘅關係，羅律突然扭計喊到兩行眼淚，Shoo見到心都痛埋，知道羅律仲細，冇怪佢喺呢一日韓國父母節送上扭計呢份「禮物」，反而即刻呵番佢，世上只有媽媽好真係冇錯㗎！

身為孖生家姐嘅羅希就乖得多，雖然周公不斷急call令佢狂放蚊，但佢見到各位記者哥哥姐姐都識得即刻揮手，真係可愛。