恭喜！恭喜！

今日係大陸女星范冰冰嘅36歲生日，呢個生日對佢嚟講，亦都係別具意義，就係拍拖2年嘅男友李晨向佢求婚，成功抱得冰冰歸嘅李晨仲喺微博宣佈話：「我們，永遠！」

其實為咗求婚呢件事，李晨可以話費盡心思，睇見啲相，李晨單膝跪，拎住戒指向冰冰求婚，冰冰當然好感動，眼泛淚光咁應承！李晨喺微博宣佈之後，冰冰亦都有轉發兼話：「永遠，永遠...」

雖然冰冰同李晨拍拖嘅日子唔算好長，但係呢對愛放閃嘅情侶，經常傳出婚訊，好似喺舊年10月，有大陸網民喺冰冰嘅家鄉煙台見到佢哋兩個人，而佢哋所在嘅位置，同辦理結婚領證嘅煙台民政局及公證處非常接近，於是有人猜測似乎係為婚禮做準備！之後又有消息話今年4月會喺北京結婚，甚至言之鑿鑿話連婚紗相都已經影埋，佢哋都未有否認，李晨早前喺網上宣傳首次執導嘅電影話：「忙完電影就娶妳！」