英國名模Cara Delevingne之前有過幾個女朋友，所以外界一直當佢係同性戀，但佢就出嚟澄清話：「我係雙性戀唔係同性戀！」希望大家唔好再搞錯，因為咁會令佢「好煩」。

近年Cara做模特兒之餘仲拍埋戲，之前喺《自殺特攻：超能暴隊》（Suicide Squad）扮演反派「魅女巫」，又做過《紙上城市》（Paper Town）嘅反叛女仔。最近仲會喺即將上映嘅《星際特工：千星之城》(Valerian and the City of a Thousand Planets) 中擔任特務女主角。佢接受雜誌《Glamour》訪問時就表示，身邊朋友成日都當咗佢係同性戀，令佢好困擾。「好多異性戀嘅人思想都好守舊，成日話我係同性戀，佢哋就係唔明！當我話，我好鍾意呢個男仔，佢哋會話，但你同性戀嘅喎！佢哋真係好煩。」佢仲話，如果他日佢嫁個男人，唔通大家又覺得佢講大話？

最近佢同小天后Rihanna合作拍《星際特工：千星之城》，為咗幫Rihanna入戲，法國導演洛比桑（Luc Besson）就叫Rihanna想像下：如果你下隻歌仆直會點？但Cara就大爆話：Rihanna話佢唔在乎！哈哈！