【曾重達209磅】38歲李英賢為再陀B勁減44磅：最想影全家福
蘋果日報 2020/06/25 07:08
李英賢
李英賢經過3個月的努力，成功甩44磅。
現年38歲的韓國女歌手李英賢從小到大一直擁有肥胖的身形，與「瘦」永遠連不上關係。而近日李英賢積極減肥，由95kg（約209磅）勁減20kg（約44磅），目前她會再努力減肥，希望以最佳狀態示人。
從未試過擁有窈窕身形的李英賢受訪時表示：「出道後體重曾經減到67kg（約147.4磅），不過因為進行歌手活動關係，過着啲唔規律嘅生活，所以搞到再次暴肥。」之後李英賢靠游泳、健身、中藥減肥等各種方法來減肥，不過一直只是暫時減掉體重，而沒有真正減掉脂肪，最終因為反反覆覆，所以她就打消了減肥的念頭。
而在李英賢結婚5年後，她成功懷上了盼望已久的孩子，不過因為太肥關係，令她被診斷為肥胖導致的妊娠糖尿病：「陀B期間，喺身體上同精神上都度過咗非常艱難嘅時期，因為想生第二個小朋友，但諗到又要再次經歷第一胎時嘅經歷，所以下定決心要真正減肥。」李英賢表示減肥前她月經非常不準時，月經前綜合症亦十分嚴重，更令到她患上暴食症。幸好經過3個多月的努力，她成功甩掉44磅肥肉，重現體態：「現在距離我目標體重已經減咗一半，之後會繼續努力減埋嗰一半，為fans帶來更好嘅樣子。」
李英賢坦言之前因為太肥關係，所以不喜歡拍照，至今為止仍沒有與丈夫和孩子拍攝家庭照，所以她承諾今次減肥成功後，將會一家人拍攝一輯全家福，表達出她的減肥決心。
李英賢為生第二胎，決心減肥。
李英賢希望減肥成功後，能一家人拍攝家庭照。
李英賢體重曾逾200磅。