韓國女團f(x)前成員Sulli呢期俾網民插到成身箭，話佢喺Instagram放埋晒啲意淫相，又唔戴bra教壞細路，唔知係咪因為咁，Sulli近日摺埋咗個Ig，改為搵男友崔子幫手po相，換個方式再現身Ig。

雖然Sulli嘅形象已經大不如前，不過仍然job接job，今日佢就現身韓國仁川機場飛去意大利幫雜誌影靚相。今日首爾氣溫有成30度，Sulli奉旨大露特露，條褲有咁短得咁短，一雙反光白滑美腿任睇，認真清涼！佢仲明顯好滿意自己個瀏海新髮型，不時摸吓個頭，拖住重重嘅篋都不忘停步，展示甜到漏笑容同記者揮手講再見。