該政界中人稱，林鄭上任至今，在一地兩檢、DQ參選人等有爭議事件中，「佢㩒住民主派打，做完之後民意亦冇反彈，令北京對佢加分之餘，亦令佢心雄，覺得今次《逃犯條例》修訂同之前一地兩檢一樣，即使硬闖都唔怕」。不過林鄭今次想再借《逃犯條例》修訂博取北京再加分，卻錯估形勢，13萬人上街反對已如敲警鐘，「但林鄭冇得退，一退等同認輸、就會俾中央扣分，亦唔再係習主席口中事不避難，一個連考第二都會喊、由大學到做AO都唔肯認輸嘅人，點會屈服於民意？」
他認為林鄭會將自己全押在今次修例，「只要夾硬過咗，冇更多人上街、國際社會冇行動，佢就當贏咗，反正通過嘅係立法會建制派，即使有乜民意反彈，佢只會話係立會投票通過，有乜就追究立法會」。
■記者莫劍弦