雷神莫雷拉在沙田馬場晨課還未見蹤影，仍外地嘆世界，冇騎馬咁雷神有乜搞作呢？話說呢位三屆香港冠軍騎師，突然玩起蜘蛛上嚟，莫非莫雷拉認為做得雷神太耐悶得滯，想試吓做蜘蛛俠！

原來雷神在粉絲專頁，上載一幅照片，圖中佢拿着一隻巨型蜘蛛，並寫上：「我兄弟養的巨無霸蜘蛛！駛乜驚，雷神在大廳！」表面上雷神好似好大膽，事關唔少人見到蜘蛛都驚，更遑論用手拎上，但其實雷神都有顧忌，雙手戴晒手套，防止被咬，否則俾隻巨無霸蜘蛛整一啖，雷神現實中做不成蜘蛛俠之餘，反而變成中毒人士。

(圖：Joao Moreira-莫雷拉粉絲網頁)