香港小姐近年輪為大台藝訓班，當選嘅佳麗極速被安排拍劇，又或者做主持。不過曾幾何時港姐被視為香港一年一度嘅事，而脫穎而出嘅佳麗被認為係「美貌與智慧並重」。除咗佳麗本人之外，其實有唔少佳麗嘅姊妹都非常出眾o架！

李嘉明
88年嘅港姐冠軍李嘉欣，10年嫁畀許晉亨，之後仲生咗囝囝許建彤，生活幸福就梗係唔使講啦！不過佢家姐李嘉明一啲都唔輸蝕，經嘉欣介紹下認識身家估計達10億嘅上市公司主席顧毅勇，而佢哋仲喺2010年奉子成婚o添。

黃心美
喺大台上緊位嘅「心穎BB」黃心穎笑容出晒名迷死人，仲吸引到馬國明o添。而心穎BB家姐黃心美講美貌真係同阿妹有番咁上下，o依家喺ViuTV做緊「一姐」，曾經結過婚嘅佢，年前同台灣籍老公離婚後仲一蚊贍養費都唔要，實行靠自己。

李玟
Coco李玟唱歌犀利大家都知，其實佢有兩港姐家姐o架，就係大家姐李秋林同二家姐李思林，佢哋仲係史上唯一同屆入選港姐嘅姊妹花，李秋林獲92年最受佳麗歡迎獎o添！

曹敏寶
03年港姐曹敏莉參選港姐成為「5料冠軍」，佢喺2010年同金融才俊男友結婚，仲生咗兩子一女。而佢妹妹就同佢唔同，07年參加有線主辦嘅歌唱比賽入行，做過節目主持，喺11年出道做歌手，近年做出咗多隻Hi-Fi碟。