其實之前政府已經講咗,特首喺行政會議前會見傳媒嘅安排要改,由以往喺特首辦大堂扑咪,改為去地方較寬敞嘅政府總部地下演講廳,每間傳媒機構嘅代表人數同座位亦會有特別安排,而今次就係因應疫情,以減少人群聚集,所以連3月31日同4月7日兩個行會外嘅接收請願信安排都取消,特首辦話市民可以將請願信電郵去
[email protected]或寄去特首辦喎!
不過有民主派人士揶揄呢個安排對佢哋影響唔大,因為以往佢哋請願多數係777唔啱聽嘅嘢,通常777黑面直行直過由其他人代收請願信,所以都好少再去,但建制派就唔同,通常777行過都會傾兩句或打個招呼,但嚟緊呢兩個禮拜就冇機會喇。