當年今日
關於我們

雷頌德蝦Kelly乖仔

蘋果日報 2009/07/11 00:00


幸福媽媽陳慧琳昨日剖腹誕下得意男嬰,不少好友紛紛送上祝褔,Kelly御用監製雷頌德在電話中說:「好朋友生仔梗係開心,咁我個仔有伴陪玩,而且仲可以蝦佢個仔㖭。我有游說Kelly生仔,你知佢事業心好重,一旦有咗好多工作唔接得,我話生仔好開心,可能佢有聽我意見,我太太都有教佢啲育嬰心得。」
正在趕拍新戲的郭富城,曾與Kelly合作《仙樂飄飄》,他昨日說:「恭喜晒Kelly,真正做咗媽媽,我希望KellyBB好似媽咪一樣又叻又型,精靈醒目。」正為新碟錄音的楊千嬅則說:「嘩,開心到爆呀,Kelly真係好幸福。」
黃栢高昨在電話中說:「生仔係開心事,我有SMS鍾珍,託佢幫我恭喜Kelly弄璋之喜。」陳志雲昨在尖沙嘴錄影《志雲飯局》,他表示要透過記者恭喜Kelly,問他會否再邀Kelly接受訪問,他說:「等佢休息完先,初初生完BB要時間適應。」
餵人奶收身
與Kelly同公司的謝安琪表示,會傳短訊恭喜Kelly;劉美君則以過來人教路,表示餵人奶令BB較健康,坐着餵人奶一小時,更可燃燒500卡路里,對收身很有幫助;有份飲Kelly結婚酒的狄波拉說:「我知生咗啦,真係恭喜晒,戥佢開心呀。」問她想不想再抱孫?她即說:「好呀,好呀。」
採訪:丁寧
empty
曾與Kelly合作的城城,希望BB能像媽媽又叻又型。 《仙樂飄飄》劇照