【本報訊】「十幾蚊都話貴，嫌貴咪唔好買囉！」黃大仙樂富廣場一間香燭舖的女東主，聲稱不堪一名「奄尖」女街坊「吓吓都講數」，寧可下逐客令，不料惹怒這名「講數」女街坊，當場發難飛擲算盤，正中女東主後腦，登時穿頭流血。警員到場將逞兇女街坊拘捕。傷者丈夫事後無奈說，新正頭第一日開市就招來血光之災，除了拜神祈福，「以後唔做佢（傷人惡婦）生意」。
事發現場是樂富廣場滙樂里一間香燭舖，開業超過30年。老闆姓許（約70歲），受傷的妻子姓陳（64歲），夫婦倆早已退休移民，店舖交兒子接手，直至兩年前回流返港生活，並協助兒子看舖。

老闆娘︰唔做你生意

昨日年初六，香燭舖新正頭第一天開市，早上9時半生意興隆，6、7名街坊在舖內揀選香燭冥鏹，店東夫婦分頭招呼。其間姓陳婦人（67歲）向老闆娘查問溪錢價格，「8蚊？咁貴o架！」她左挑右選，最終要了元寶、香燭和衣紙，共計14.7元；惟付款時又指價貴，多番講數壓價。
老闆娘感到煩厭，乾脆下逐客令：「算喇算喇，唔做你生意呀！十幾蚊都話貴，嫌貴咪唔好買囉！」一句話惹怒了這位講數女街坊，有人大叫：「點解唔做我生意呀？做乜要我走呀？」並且越罵越激動，走入店內拿起枱上的算盤飛擲過去。老闆娘後腦「中招」頭破血流，痛極大叫。丈夫見狀高聲喝止，並致電召兒子返回及報警求助。
救護員到場替傷者包紮，然後將她送院。警員封鎖現場調查，稍後拘捕涉嫌襲擊的婦人。
傷者在醫院說，逞兇婦人以往也曾光顧，「奄尖聲悶，惡通街」，對方除了用算盤襲擊外，又向她拳打腳踢，眼鏡也被打爛，但見她年紀大才不敢還擊。