龍門冰室遭渣打銀行追債 老闆張俊傑籲網民買飯券支持
蘋果日報 2021/03/12 13:05
龍門冰室張俊傑
去年6月宣佈退出黃色經濟圈的龍門冰室負責人張俊傑在網上公開呼籲救亡，表示希望支持者伸出援手，到冰室光顧煲仔餐或購買飯券（作派飯用途）。張俊傑指雖然晚市堂食重開，但政府先後兩次禁晚市堂食，令餐廳入不敷支，積壓太多債務，直言「我哋好可能捱唔住了」，希望獲香港人支持「可以捱過呢一關」。
龍門食物質素向來為人詬病，張俊傑稱希望市民光顧，「試下我哋呢段時間嘅進步」，強調「我會繼續努力頂到最後一秒」，他又公開一張渣打銀行追討欠款信件，聲稱無力還債，「全數清還？我月供都攪唔掂。」張俊傑沒有透露具體欠債金額或餐廳負債情況，表示如果今次「捱得過呢一關，我定必盡快搵個機會，透過冰室報答你哋。」
才女梁芷珊亦在自己的fb專頁分享有關帖文，指她一直都支持龍門冰室，甚至表示「我說過：有甚麼可以幫忙，在我能力範圍之內，我必盡力。」
財困多月 業主入禀收舖
龍門冰室去年6月底發表聲明，稱因《國安法》實施，加上不斷遭抹黑，決定退出黃色經濟圈，張俊傑當時稱收到死亡恐嚇，「有人話會搵國安搞我」。另外，龍門冰室亦陷財困多月未解決，本年1月中沙田分店被指拖欠租金及兩季差餉地租，業主入稟高等法院，向龍門老闆張俊傑追討約23.2萬元，並且要求收舖。
去年9月 ，龍門獲批首輪逾190萬元的工資補貼，但聲稱次輪審批遇阻滯。根據資料，龍門及瓏門旗下在尖沙嘴、荃灣、沙田及銅鑼灣共四間分店。
顧客：繼續支持
早上7時許，銅鑼灣登龍街龍門冰室分店，陸續有職員返回開工，但婉拒回應財困問題。其後陸續有市民到來光顧。莊先生今早到來食早餐，他表示一直有光顧，如果有現金券或飲券之類，也會繼續支持。他坦言擔心「龍門」捱不下去，始終有競爭。他推介說：「早餐都幾好食呀，經濟實惠，大份又唔貴。」
另一位顧客曾先生亦因應龍門「吹雞」而特地到來光顧，「吃早餐當幫忙」，他指要是結業就太可惜了，「龍門這類不是特別多，小店類，所以會支持香港人開嘅舖頭，少啲到大型連鎖。」
曾續說，可能因為「龍門」退出黃色經濟圈而造成影響，但認為「冇辦法，搵食艱難」，對於網民批評其食物質素，曾認為「OK嘅，茶餐廳價錢係茶餐廳水準，唔能夠想茶餐廳嘅價錢，有酒店級水準，所以我只能說合理。」
龍門冰室在fb公開呼籲救亡，表示希望支持者伸出援手，到冰室光顧煲仔餐或購買飯券。
龍門冰室老闆張俊傑晚上在fb公開一張渣打銀行追討欠款信件，聲稱無力還債。
網民點睇
EdGar Liu：雖然難食，開到聲點都畀多次機會你
Victor Wong：第二間唔撐，都會嚟撐你 。香港人同你一齊撐落去。
Caca Caca：一定唔可以執，嚟緊會日日黎食
Angel Choi：今日一早落荃灣捧場！成日都食，會再食多啲撐你
Jason Lee：從來都無諗過放棄你，經過會入嚟
龍門冰室傳出財困，登龍街分店顧客疏落。
尖沙嘴瓏門冰室今早門外未見有市民排隊。
尖沙嘴瓏門冰室
尖沙嘴瓏門冰室內今早都有不少市民幫襯。
莊先生表示會繼續支持龍門。
曾先生認為龍門價錢合理。
----------------------------
你敢爆，我敢獎！ 立即Signal 63836568、WhatsApp 《蘋果》24小時爆相爆片熱線
或致電：63836568
-----------------------------
《蘋果》英文版免費試睇：了解更多
-----------------------------
支持蘋果深度報道，深入社區，踢爆權貴，即Like蘋果專題及調查組FB專頁！