當年今日
關於我們

【hmv清盤】電影冇錢搞後期? 張建聲:完成9成等有信心嘅期先上

蘋果日報 2018/12/18 17:19

HMV清盤作家的謊言蕭定一張建聲

蕭定一旗下hmv零售因缺乏償債能力,今日公佈自願清盤(相關新聞︰ https://bit.ly/2UQwdeJ),蕭定一先後四度加按位於西半山頂層複式豪宅填數。阿一旗下嘅hmv數碼中國除咗主理hmv之外,仲有份投資拍電影,包括幾部未上映嘅戲,好似張建聲監製兼任男主角,夥拍松岡李那同何佩瑜嘅電影《作家的謊言》、古天樂主演、周顯揚執導嘅《真‧三國無雙》,仲有一部就係邱禮濤導演,張智霖、古天樂、吳鎮宇、胡杏兒主演嘅電影《死亡通知單暗黑者:首部曲「雙雄會」》。有傳聞指因為蕭定一欠缺資金,令到呢幾部戲嘅後期都未做,所以遲遲未能上映。
《作》片主角兼監製張建聲今日接受《蘋果》訪問,佢話:「部戲後期仲係做緊final tune,例如color grading,VO(voice-over)都要修正番。因為部戲同劇本花咗好多心機,結局都重拍3次,後期目前完成咗90%左右。」張建聲話對於hmv清盤覺得好可惜,亦都希望呢個香港人嘅集體回憶可以保留,但就冇影響自己部戲上映,佢話:「部戲上要睇埋檔期,就嚟過年,打算係冇咁競爭大,同有信心嘅期先上,等香港人可以睇到呢部純本土創作嘅電影。」
精選娛聞,喺晒《娛果》 http://fb.com/appledailyent
empty
張建聲(資料圖片)
empty
新戲《作家的謊言》。
empty
今年3月影視博覽舉行《真‧三國無双》記招。