【真係好王晶】每日一倒奶 《賭城群英會》CG有進步？

蘋果日報 2017/06/20 23:25

鍾采羲李國麟賭城群英會E級超蓮CG蜘蛛
    王晶真係不愧為香港賭博型喜劇大師，今晚嘅《賭城群英會》真係盡顯功架呀喂！八十年代經典橋段、分鏡同特效化妝以高清版重現觀眾眼前真係令人回味無窮。
    今集《賭城群英會》先嚟有例牌倒奶，今次就係由有「E級超蓮」之稱嘅鍾采羲負責，劇情就係講佢用財色夾攻黃浩然，利用佢去拎由吳家樂飾演嘅二世祖當場捉姦之後嘅分手費，之後女性觀眾都唔洗失望喎，因為接住落嚟騷肌環節就交棒俾黃浩然負責喇。咁黃浩然就緊係要報仇啦，就拉埋同門師兄弟去，點知就被人發現，逃走嘅時候仲留低咗痕跡被吳家樂追到，呢個時候作為幽默大師嘅戲，又點少得爬牆半天吊嘅情節呢？
    而作為劇情帶動最重要嘅CG蜘蛛終於出場喇，呢隻蜘蛛可以睇得出大台最近放喺電腦特技嘅投資有飛躍一樣嘅進步，由喺個箱到拎出嚟到放落馬國明塊面，最後落到下面黃浩然腳上，CG蜘蛛都顯得非常生動活躍，周不時彈到幾層樓咁高，最後就由黃浩然一腳抽踢直線升空飛越三個身位嘅距離跌返落吳家樂塊面仲咬咗吳家樂一下。
    最後吳家樂個鼻嘅特技花妝就俾觀眾充分懷緬過去港式喜劇，而今集啱啱先出場嘅李國麟果然係大台御用奸角，氣勢夠晒強勁而且演技真係值得一讚！
    empty
    （電視截圖）
    empty
    鍾采羲負責今集倒奶。（電視截圖）
    empty
    騷肌環節就交俾黃浩然。（電視截圖）
    empty
    最重要嘅CG蜘蛛。（電視截圖）
    empty
    CG蜘蛛都顯得非常生動活躍。（電視截圖）
    empty
    又點少得爬牆半天吊嘅情節。（電視截圖）
    empty
    （電視截圖）
    empty
    （電視截圖）
    empty
    黃浩然一腳抽踢直中吳家樂。（電視截圖）
    empty
    吳家樂個鼻嘅特技花妝就俾觀眾充分懷緬過去港式喜劇。（電視截圖）
    empty
    連「壁咚」都有真係與時並進。（電視截圖）
    empty
    連群眾演員都偷偷地倒奶。（電視截圖）
    empty
    高海寧牌事業線當然唔少得。（電視截圖）