《2014亞洲小姐競選》今晚喺亞視大埔總台舉行，朱慧珊﹑蔡國威及劉錫賢等擔任司儀，19位佳麗自我介紹時，大部份廣東話都唔靈光，聽得都幾辛苦，喺泳衣環節時，將一班亞姐身材表露無遺，有啲Big爆﹑有啲玲瓏浮凸，不過唔知係咪趕住出場，冇工作人員整理佢哋泳衣，好似8號張軼珺喺問答環節時，被發現條泳褲仔歪鬼晒，相當礙眼。

另外，19號唐淑薇及6號劉佩欣先拔頭籌，分別奪得「亞洲女性魅力大獎」及「最燦爛笑容大獎」。