韓國每年新人輩出，要突圍而出唔係易事。好似近日有隊四人男子組合New-Ace，佢哋日前公開嘅宣傳照中，當中令人誤會佢哋係男女混合團，因為其中一位成員似足女生，仲要靚過唔少女仔，難怪會被人誤會佢哋係男女混合團。

由四位成員Ji On、Seung Hoo、Sang Wook及Jin Seo組成嘅New-Ace，佢哋未正式出道，但已經有演出公開活動，亦有客串劇集，不過大家嘅焦點就落喺隊長Ji On身上，因為佢擁有1.8米嘅身高，精緻嘅五官加上白滑肌膚及紅唇，就咁睇同一名女生一樣，難怪會被誤以為係女生。

而New-Ace預計會明年初出道，官方公佈四人嘅身高全都超過1.8米，屬於長腿Oppa型偶像，唔少網民睇到佢哋嘅宣傳照都議論紛紛，特別對於Ji On嘅外貌討論最多，當中有網民覺得Ji On樣貌過份美化，疑有後天加工之嫌，又指佢「膠樣」，有人就覺得佢個樣似足女團TWICE嘅定延。