周日（19日）兩項一級賽的大賽日過後，周三（22日）谷草九場夜賽預計會回歸平淡，當日頭場續排下午6點45分開跑。

練馬師丁冠豪剛戰（15日）起孖，累積連贏兩期快活谷賽事，力逼姚本輝今季谷草王地位，兩者現時差相1場，比數為15:16。

同時丁冠豪今季幾乎只識在谷草贏，19Wins當中有15場來自這個窄場，其餘三場為田泥，僅得一次在田草贏馬，可見此馬房出擊策略側重快活谷馬場。

不過他下期夜賽只有三匹正選馬，但貴精不貴多，報名四班1650米的「喜悅明駒」上仗五班同程贏馬，今次升班有輕磅，估計憑銳七歲馬可以再博多場。