97前後，一張出外旅遊的入境表格，勾起朱凱迪對身份的迷茫。國籍一欄，究竟應填Chinese（中國籍）還是British（英國籍）？每次執筆，也會掙扎，「到後來BNO過咗期，咪焗住填Chinese囉。」
1977年出生的朱凱迪，成長時經歷過89六四、感受過殖民地時代的英式制度。他笑說，像他這年紀的港人，是最後一代的港英餘孽，不會有「中國人」那種愛國條件反射，「見到五星旗唔會流淚，亦唔會識得唱國歌。」
回歸初期，看着立法局議員落車、臨立會還原惡法，一時間無力感籠罩；直到03年7.1的50萬人上街，終於帶來衝擊，但05年民間力量否決了鳥籠政改方案，朱凱迪沒有勝利感覺，只在想「香港人有乜出路？」

「唔想只係做順民」

直至05年世貿會議後，接踵而來的保衞天星、皇后碼頭、利東街、菜園村及反高鐵等本土運動湧現，令他這群70尾、80後，從新認識這片土地，抓到了一點點「香港人」的根。
「保衞皇后碼頭，唔係話殖民係好事，而係你話自己係香港人，咁香港嘅事，到底我哋知道幾多？喺97後，好想補充、深化香港人嘅內涵，唔想只係做順民、經濟動物。」
回歸以來，他最難忘是03年7.1大遊行、09年六四20周年前夕，地鐵擠逼的車廂，「平時全部係返工嘅打工仔，嗰兩日，一個個黑衣人，迫爆地鐵，大家有眼神交流。」一浪浪的社會運動，令他意識到，自己先是香港人，然後才是中國人。「又或者，我哋係一個永遠古怪、永遠喺度『挑機』嘅中國人。大陸話搵錢發達幾好？唔係，我哋都要民主、自由，法律唔可以亂嚟。」當中國「出事」時，我們會仗義執言，「維持呢種反省能力，不斷去拗，呢個係港人治港一個好關鍵部份！」