應昌佑噚日同拍拖9年簕女友Mandy結婚，一班親友喺半島酒店見證簽紙儀式，不過佢老闆黎明就冇嚟觀。應昌佑講笑話希望老闆喺佢擺酒時會送厚禮啦。

講到婚禮，應昌佑話一切從簡，所以都冇兄弟、姊妹團，只係屋企人出席。婚禮雖簡單但都隆重，應昌佑右尾指戴住爸爸留畀佢嘅鑽戒，而太太左無名指戴嘅鑽戒，就係奶奶畀佢嘅家傳之寶，好有紀念價值。婚後一對新人會繼續開工，但已計劃緊歐洲度蜜月兼造人大計。