譚小環初演奸角捱跪被斬

蘋果日報 2002/01/17 00:00


譚小環昨日在電視城穿上囚衣,為無綫拍攝新劇《洗冤錄Ⅱ》。劇中譚小環因毒害夫婿,又與歐瑞偉通姦,兩人被判斬頭。
小環首次飾演奸角,她笑說:「第一次做奸角,係好大挑戰。我今朝七點開始跪到𠵱家,好彩工作人員畀咗一對護膝我,呢場戲至少要計兩個騷錢啦,又要跪,又要喊!」

阿佘否認交行貨
此外,佘詩曼(阿佘)亦有份拍《洗冤錄Ⅱ》,對於日前與古天樂於東莞登台,被指收足厚酬卻交行貨一事,阿佘說:「我哋做嘢係簽約,連『安歌』都會講明。當晚現場反應都好好,啲fans重跟我哋返酒店。我覺得好奇怪,咁樣對我哋好唔公平,會影響我嘅聲譽,第時工作會好麻煩。」問佘詩曼古仔可有綵排時,她說:「我自己綵排完就走,其他我唔清楚。」
採訪、攝影:王崇穎