四個月前，阿翠三口還是棲身唐樓的天台屋，記者日前再度探訪她，三母子經已「上樓」，開展新生活。
「呢度居住環境咁好，我當然開心、滿意啦，以前住天台屋落雨天就漏水，陽光好間鐵皮屋就熱到好似焗爐咁，真係好辛苦。」阿翠說。

獲配公屋單位

三十一歲的阿翠，丈夫為內地居民，她在香港獨力照顧一對分別一歲及三歲的子女，自從誕下幼子後，阿翠便辭去茶餐廳侍應工作，三母子現靠綜援金維生。
阿翠多年來一直租住天台屋，居住環境惡劣，數月前，她終獲房屋署編配九龍區公屋，單位面積較天台屋寬敞，是阿翠夢寐以求的理想居所。惟因阿翠並非長者或殘疾人士，因此不獲社會福利署發放搬遷津貼。

蘋果讀者捐助

蘋果日報慈善基金有見阿翠的經濟困境，較早前曾撥款七千元助她搬遷，紓緩其經濟壓力。「如果唔係蘋果基金幫忙，我諗我都搬唔成，所以我真係好感激你哋；今次入伙我都好簡單，大部份撥款我都用嚟交晒雜費按金，同埋裝咗大門鐵閘。」
近日記者另將讀者捐款合共五千一百元交予阿翠簽收，她表示︰「我從來冇想過有咁多人關心我三母子，覺得好感動，呢筆錢我會暫時儲起，留番應急用。」
捐款編號︰C1640

暖流熱線
電話：29908688
傳真：23702192
電郵：[email protected]
網址： http://www.charity.atnext.com