今年31歲嘅前處女黨成員王君馨（Grace），噚日俾《蘋果》率先爆同圈外男友Daniel喺美國紐約舉行婚禮，好姊妹鍾嘉欣、李亞男、衛蘭同裕美等都專登飛去當地見證喜悅(新聞連結： http://bit.ly/2sW4n2T )！

全日忙到一頭煙嘅Grace，終於喺香港凌晨時份，分享出嫁心情同整個婚禮場面嘅靚相。Grace話：「我喺噚日6月11日喺紐約同Daniel結咗婚啦，好嘢，哈哈哈。噚日係非常開心啦，一朝早起身，啲姊妹幫我着褂啦，我哋又有斟茶俾我哋嘅父母，總之成件事都非常之開心嘅，嘉欣（鍾嘉欣）變咗我嘅大妗姐，因為我哋冇一個大妗姐，哈哈。我哋幾個之後去咗婚禮嘅場地，衛蘭就帶領唱詩歌，仲有裕美啦，李亞男啦，佢哋好sweet，準備咗10分鐘嘅sharing（分享）同埋rap歌，準備咗好sweet嘅詞俾我同老公仔。我哋都好感動，我哋（同老公相識）11年11個月14日已經過咗啊，我係章太啦，我好幸福呀！」

相中除咗有新娘新郎情深一吻，亦見到Grace着傳統大紅裙褂。。而Grace亦喺微博同Ig正式宣布「Hiiii！I'm 章太。」Grace舉行婚禮後，下個月11日將於喺香港The American Club補擺喜酒，屆時再大宴親朋。

此外，岑麗香雖然未有出席君馨在美國的婚宴，但透露將會出席香港嘅喜酒，屆時仲會做埋姊妹添，香香喺ig留言向一對新人送上祝福﹕「你們結婚啦！