今日一開場五班1400米已經有不快事故發生，先係蔡明紹在閘廂內被自己座騎「隆鳳捌叁」撞傷，人馬即場退出之餘，蔡明紹更唔可以於餘下賽事上陣。跑落此場有一駒輸一條街返嚟，霍利時馬房的「飛魚威威」轉直路彎時已自動慢車，並畀鞍上人史卓豐收停，原來佢係跑跛腳過唔到終點，投注人士一殼眼淚之餘，此駒更被即場人道毀滅。
呢匹4歲時廐馬馬主是李雨川、李張慧美與李世傑，上次賽後翌日已出現不良於行，被着令須試閘合格至可以再跑，卒之今仗更過唔到終點，連同這仗共7戰零獎金，結束短短一生。