雖然美國傳媒指I湯馬士（Isaiah Thomas）臀傷嚴重，有機會唞到明星賽後先可以復出，不過呢位28歲控衞近日就喺ig大晒自己着住騎士衫訓練嘅片段，指自己唔會輕易認輸！

不過，I湯馬士喺短片中有一個講電話嘅鏡頭，似乎向朋友係交代塞爾特人總經理安治（Danny Ainge）點交易自己；佢喺短片中話：「我打返電話畀佢，佢問我近排生活點……我只係啱啱返到屋企，佢就話：『我剛才交易咗你』。」

I湯馬士最後就喺ig話：「點樣去定義一個人？有人話係睇佢面對各種處境時嘅反應。無論做咩都好，都全力以赴，保持堅強。」