未講馬先祝蘋果讀者「手到拿來」，新一年「好健康」。
今次賽事第四場四班1600米，預計潘頓的「琪麟穎」及雷神之「超順暢」會熱；但此兩匹質新馬中，「琪麟穎」增程至1600米兼排外檔難度太高，上場賺了超快步速才近。「超順暢」上仗接近而無威脅，進步並非明顯，因人而熱要小心。而舊馬之中，「拼博小子」上場外疊衝贏看似好勁，查實內疊馬打晒困籠，今場2檔預期塞車，反正交代咗，呢隻都唔要。
第四場首選係「海南花梨」，配上贏馬拍檔呂卓賢兼今場快馬不多，A+3欄平均較利前置馬，單憑此點力足出冷。第二選「耀華盛甲」，上仗全程蝕位亦第四，頭二馬「釱金剛」、「超有利」再出都贏，水準非常高，基本上排隊都應該論到「耀華盛甲」。
第十場質新馬「由心出發」前仗贏馬時間稍慢，「超凡夢想」上仗稍失望，所以決定博大冷「馬飛龍」。後駒上季一再於強組賽事劣勢追近，肯定夠三班。今季沒有進步，可能有見及此，上場輸完收埋操一輪，埋門泥閘輕鬆追近，今仗對手有差池，「馬飛龍」便有權爆。