前跳水王子田亮育有一子一女，女兒就經常曝光，不過佢個囝囝就似乎甚少露面，噚日係田亮囝囝生日，田亮喺微博上載兒子照片，囝囝相當靚仔，仲有啲混血兒feel﹗

田亮噚晚以兒子口氣喺微博寫道：「大家好，認識一下！我是一家四口之一，最美的媽媽和姐姐給我準備了蛋糕，最醜的爸爸想搶鏡，被我p掉了！」相中田亮囝囝拎住蛋糕笑晒口，可愛又帥氣，長相神似爹哋田亮。

及後媽咪葉一茜亦於微博晒多張生日派對照片，並送上祝福：「今天是我的小寶貝破殼日，爸爸媽媽姐姐都好愛好愛好愛你！生日快樂！」相中有好多小朋友同壽星仔慶祝生日，而家姐亦親吻弟弟，場面溫馨。