港華燃氣（1083）有祖國市場Backup，加埋實力大股東，有得諗。港華大股東係大孖沙四叔系煤氣（003），集團喺上年就獲阿媽注入6個祖國管道燃氣項目。阿媽悉心栽培，加埋實力雄厚優勢，港華有得加分。不過港華息率唔夠1厘，買嚟收息，確唔太吸引。但要咁睇，港華主打祖國市場，加埋集團業務擴展，中線業務有持續性增長嘅空間，派息亦隨之提高，係中線財息兼收嘅好選擇。
港華2011年中期純利升76%到3億銀，全年度純利起個孖到6億銀，預期PE由家陣20倍，跌到16.3倍。而港華2012年度純利增20%到7.2億銀，PE再跌到13倍幾。吼實港華3.75元橫行底收集，2012年度PE上返家陣20倍，會升47%到5.8元。