【狗仔出更】「醫神」上身英語配藥 龐景峰收Order買…
龐景峰狗仔出更
郭秀雲同錢小豪所生嘅囝囝龐景峰,原來今年已經27歲,星運麻麻但桃花運就唔錯,早排先被傳媒發現佢同拍拖兩年嘅楊埕分手後,秒速換畫,有細佢幾年嘅圈外女友Peggy。《蘋果》噚日喺銅鑼灣發現龐景峰蹤影,不過佢身邊就唔見有女友,而係一個人入咗一間連鎖式護理產品店買藥。
一身便服打扮嘅龐景峰大約喺黃昏5點左右,一支公入咗舖頭駐店註冊藥劑師,然後同藥劑師講咗一大輪嘢,全程用英語對答,最後配咗合共約$300蚊藥。而喺等藥劑師配藥期間,佢似乎都有任務在身,行咗去洗髮水/護髮素嘅貨架,左揀右揀又踎底又出埋錦囊打電話問朋友,最後買咗洗頭水同護髮素埋單後離開,呢set沐浴用品主打深層修護,佢見到記者影相嘅龐景峰就急急腳咁走人。
精選娛聞,喺晒《娛果》
http://fb.com/appledailyent