公眾對劉國樑的名字也許感到陌生，然而翻閱跟東北案有關的新聞，總會看到他的名字出現在13名被告的名單裡。不是鎂光燈下的焦點人物，劉國樑出獄後開始學做生意，支援社運戰友，「睇返依家好多參與社運嘅人可能都要坐監，之後有案底，可能出到嚟出面啲公司又唔請，我會希望自己可以搵到多啲錢，然後第時可以做到幫助佢哋嘅位置」。

記者　李雨夢

回想4年前東北抗爭，劉國樑笑言被捕跟東北案另一被告梁曉暘有關，「佢被人拉咗先，跟住send咗個信息出嚟話俾人打，我就幫佢公佈出去，順手又鬧咗警察兩句，我估應該就係嗰陣俾人點咗相，跟住到（反東北示威）清場被人抬走嗰陣，有個反黑見到我，就指住我話︰『係佢啦！』，我就俾人拉咗上車」。當時，他仍是社工系學生，看到新界東北發展要迫遷村民而覺得憤怒，「同埋身邊嘅朋友都關注呢件事，係好自然會嬲，之後就會行動，一早已經有被人拉嘅心理準備」，但他坦言不是熱衷社運的人，所有事情的發生，在他眼中似乎都是「自自然然」便走到這一個階段。

劉國樑覺得獄中生活不算難適應，情緒也沒有太大起伏，「頭一個禮拜會有唔適應，因為啲嘢食真係好難食，但自己適應力比較強，之後都無咩特別」。偶爾會有囚友替他覺得不值，「佢哋會話，『阿仔，乜你咁蠢㗎，錢又無，又咁樣搞到入嚟坐』，都會錫住我嘅」。他笑言，過往對於監獄的想像來自電影《監獄風雲》，「發哥喺床上面跑嗰啲囉，都係得呢啲，無其他印象，唔會有人講到畀你聽坐監係點，但嗰段時間會見識到入面嘅衝突，會見過一班懲教衝入嚟嘅情況」。劉國樑在獄中與女友琳琳書信傳情，細訴每天在獄中的生活。琳琳憶述：「我哋日日都寫信，好似因為寫信可以更加去了解到對方諗緊咩，同埋會寫多啲自己嘅感受」。

入獄3個月後，劉國樑回到外面的世界。走了一圈，也開始比較認真思考人生路向。他正在學做生意，「保釋完出嚟之後，個經濟狀況唔係好好，好似愈嚟愈衰，有段時間會覺得自己好無用，後尾開始返工，有朋友搵我幫手搞一檔爬蟲用品專門店，我都可以喺過程入面學吓點做生意」。

有了這樣的念頭，現在劉國樑只想東北案盡快了結。官司纏擾4年。劉國樑說，這段時間很漫長，也很磨人，「如果無呢單案件喺身，可能我已經搞緊生意。依家想快啲解決成件事，如果要繼續坐就快啲坐埋剩低嘅刑期，然後可以專心做自己嘅嘢」。他不怕再次入獄，也慶幸琳琳一直伴在身傍。琳琳說，「我都係平常心咁面對，唔想太過傷心，再等佢坐完監出嚟睇吓之後有咩計劃」。