「呢度車速咁慢，咁就攞咗佢命，真係好唔抵呀！嗚……我哋成日要行出行入呢度，個心好唔舒服……」話沒說完，梁母已無法控制情緒，放聲痛哭。

雖然智仁生前學業成績平平，但在父母眼中，卻是一個活潑好動的小寶貝，「佢學嘢好快，又聰明，又聽父母話……我哋所有心思都擺晒喺佢度……人都走咗，畀番我一個公道、一個賠償……」梁母哭訴着。
56歲的梁父邊安慰妻子，邊訴說兒子生前與家人是如何密切。梁父說，智仁在內地出生，一直由外婆照顧，即使3年前來港定居，外婆也跟隨來港，以不斷續期方式留港照顧一對孫兒，婆孫感情要好。其妻於1年前也獲批來港團聚，一家四口連同外婆三代關係緊密，「由細到大，佢哋根本未分開過。」
智仁外婆及妹妹，在現場目睹意外發生，心情至今仍未平復，外婆常自責未有好好看顧孫兒，以致他走出馬路被車撞倒。為怕她倆觸景傷情，事發後梁父已安排外母和幼女到深圳親友家暫住。

「我哋啱啱去大陸探過外母同埋個女，婆婆返到大陸都成日諗住件事，好自責，佢話個心好似有把刀咁拮住。唉！唔可以怪得邊個。」梁父歎氣說，幼女事發後常無故發脾氣及哭泣，不過對着終日痛哭的外婆，又懂得反過來安慰。
外表堅強的梁父為顧及妻兒感受，硬着頭皮撐下去，「我呢幾晚瞓到半夜都會紮醒，感覺好難受。」
由於事出突然，任職三行的梁父因開工不足，月入只有6至7千元，無力處理亡兒身後事。「搞火葬都要2萬幾蚊，之後安放骨灰靈位又要錢，我哋根本冇咁多錢。」
蘋果日報慈善基金即時安排撥款2萬元，助梁父殮葬亡兒。
捐款編號：C2024

蘋果投訴熱線：29290000
社會服務熱線：29908288
傳真：23702192
電郵：[email protected]