王力宏早排喺微博澄清自己鍾意女人，強調係異性戀。日前佢去北京出席活動後離開，即俾內地傳媒追訪，隨行嘅保安人員見到呢個情況，竟然用電筒照住記者鏡頭，阻住唔俾影。

之後王力宏坐七人車到火鍋店醫肚，有傳媒聞風而至，其實王力宏落車後都表現大方，之不過嗰班保安唔知驚乜嘢，又重施故技上前阻擋拍攝，今次仲出動到鐳射光射鏡頭，使唔使咁誇張呀？