JW同Shine噚晚喺旺角出席一個韓國品牌專門店開幕禮，佢哋分別於明年1月同3月喺紅館舉行演唱會，見到面當然要分享吓大家籌備演唱會嘅心得。

Shine話同JW講開跳舞：「真係練到腰酸骨痛，早兩三個月開始練，唔識跳舞，由幼稚園升到小學，雖然辛苦，但係好有信心，有高難度動作，最初就話越勁越好，但係o依家就盡量要求唔好咁辛苦，本來有啲後空翻，側手翻，覺得唔似舞，似功夫，最近要小心，練習都會有小受傷，唔想影響到大家，為咗誠意，推咗啲電影，想專心啲。」天佑之前要拍戲，都有手軟腳軟，排舞都覺得唔好意思。

JW之前綵排受傷，佢話：「本身尾龍骨已經係彎彎地，背脊都係弱啲，要排舞好多高難度挑戰，會攰到想嘔，好痛，即刻睇中醫，同接受電療。」係咪要取消啲動作？佢話：「休息咗一陣可以，每次見到新舞步，都覺得自己做唔到，仲會嚇到喊，但係最終自己會做到，有啲動作男dancer要抬起我、舉起我，我都有啲驚。」叫男友舉你？「我每日已經練到好攰，唔想郁。」會唔會跳性感舞？「唔會，因為自己都唔適合。」

更多娛聞，喺晒《娛果》
http://fb.com/appledailyent