今日是農曆正月初七，俗稱「人日」，即是全人類生日。去年事業大躍進的鄭中基，今年留港過年兼錄新碟，實行在○四年瞓身出擊。打扮成財神賀人日的鄭中基日前說：「今年冇返美國陪父母過年，因為趕住三月出碟，而且喺中國人地方過年，最重要嘅環節係可以接財神，希望大家都大富大貴發大財啦。」至於人日的生日願望，鄭中基說：「新曆生日、舊曆生日加埋人日，每人每年有三個生日願望。我覺得乜都好，身體健康最重要，希望自己鼻敏感完全康復，唱到多啲好歌，拍多啲令觀眾開懷大笑嘅戲，等大家開開心心笑不停，開心健康係最大福氣。」除了鄭中基外，劉德華、陳慧琳、Twins和容祖兒等都趁人日，各自許下心願，希望夢想可成真。