【更新影片】
九龍最細新盤、由投資者盧華發展的深水埗AVA 61，其極具話題性的161呎示範單位，今日首個周末開放畀市民參觀。

住喺同區的姜先生，睇完161呎奇則後，向記者分享感想。「始終呎數細d，但細得來都有得用吓，（咁打算買畀小朋友定自己住呢？）梗係小朋友啦，個仔廿幾三十歲，工作中，大間就買不到，而家都適合(AVA 61)，二百幾萬，我梗係嫌細，但細路哥咪啱，一個人咪ok囉。」

「假如結咗婚都可以，但我哋都唔可以來食飯，（記者問點解），咁細點食呀，梗係來我屋企食啦，當酒店咁住。」記者再問他有沒有入廁所行個round，他稱，「睇過，都唔係問題，通常都冇乜所謂，廚房沖涼嗰啲都唔係問題，但擺張床已經冇乜地方，咁係咪得兩公婆，返來就係瞓覺沖涼瞓覺。」形容這個161呎奇則，只是兩公婆沖涼瞓覺的地方，食飯就回家吃，所以唔同區好難住。

他打算幫任職公務員的兒子畀首期上車，至於畀幾多，視乎銀行能借多少，對於近期不少年輕人買樓都必須靠「父幹」，他笑言:「這是規矩」。首期就由父親支付，樓就兒子自己供，但供不供得掂就與父親無關。

掌握財經地產資訊，即Like「蘋果ATM」fb專頁啦！
http://fb.com/appledailyatm